Ven’an opastusministru Kravtsov kävyi Šuojun školah
Šuojun škola on Karjalan enzimäzii školii, kudamat puututtih perusremontan programmah. Kuibo valmistutah Suojun školan ruadajat suurih kohendusruadoloih, käydih tiijustamah ministru Sergei Kravtsov da Karjalan piämies Artur Parfenčikov.
Vuvvennu 2022 Šuojun školas n:o 1 kohendetah levo, pannah kundoh ulgoseinät, kohendetah ilmanvaihtosistiemu da tulipaloviestityssistiemu. Vuvvennu 2023 ruavot jatketah: kohendetah viensuandu- da vienlähtendysistiemat, sähkö- da lämmityssistiemat. Školan kohendamizen ruadoloih on suadu 98 miljounua rubl’ua federuallizes b’udžietaspäi.
– Programmah ei kuuluta vaiku kohendusruavot, sen mugah školih ostetah tarvittavii laittehii da kehitetäh opastajien ammattineroloi, sanoi Sergei Kravtsov.
Vudessah 2026 programman mugah Karjalas kohendetah 51 školan 71 huonustu.
