Valitihe parahimid: Petroskoiš valitihe parahimid openikoid, ked opendaba vepsän, suomen da karjalan kelid
Petroskoin üläopenikad, kudambad opendaba vepsän, karjalan da suomen kelid da kul’turad saiba pauklahjoid Karjalan rahvahaližen da regionaližen politikan ministerstvalpäi.
Valičuz oli nel’l’as nominacijas: ”Karjalan kel’”, ”Vepsän kel’”, ”Suomen kel’” da ”Enokul’turižed predmetad”. Konkursaha ühtni Petroskoin universitetan da Konservatorijan üläopenikoid. Keliden nominacijoiš vägestiba batianmeren-suomalaižiden keliden kafedran üläopenikad: ”Karjalan kel’”-nominacijas vägesti Tatjana Pavl’uk, ”Suomen kel’”-nominacijan vägestai om Sofia Nekl’udova, ”Vepsän kel’”-nominacijan pauklahjan sai ”Vepsän Vezad”-sebran pämez’ Tatjana Martjanova.
— Ezmäi minä eskai en uskond, miše mindai valitihe vägestajaks. No nece azj libuti minun henged, minä tahtoižin edemba-ki opeta vepsän kel’t, - sanub konkursan vägestai Tatjana Martjanova.
Pauklahj parahimile openikoile, kudambad opendaba vepsän, karjalan da suomen kelid jagadas kerdan kahtes vodes.
