Udes openduzvodes ”Kipinä”-žurnalan radnikad paksus tegeba vastusid lapsidenke, ked opendaba vepsän, karjalan da suomen kelid. Täl kerdal openikad Kalagespäi da Šoutjärvespäi tedištiba enamba žurnalan polhe da vändiba vepsläižihe vändoihe.
− Minä iče openzimoi Kalagen školas, sikš oli mel’he möst oleskelda školas da väta lapsidenke. Mugažo oli melentartušt da tarbhašt starinoita openikoile ”Kipinä”-žurnalan polhe, ved’ hö lugeba sen vepsän kelen urokoil, sanub
”Kipinä”-kulehtesen toimitai Darja Švecova.
Vändod vastusen täht om ottud udes ”Vepsläižiden vändod”- kirjaspäi. Se tuli eloho redukun augotišes. Sen tegii Elizaveta Makarova toi kirjad Kalagen, Šoutjärven da Šokšun školihe.
−”Minun projekt ”Vepsläižed vändod” om jo lopnu. Minä kerazin 25 vändod i neniden vändoden polhe, miččed minä olen keradanu, völ mušttas. Minä tahtoižin kaita niid, tahtoižin, miše lapsed vändaižiba, homaiči Eližaveta Makarova.