Uz’ vepsänkeline ”Kipinän” nomer läksi eloho
Sügüz’kun ”Kibin” jo varastab lugijoid ”Periodika”-paindištos. Vepsänkeližes nomeras voib löuta äi melentartuižid tegendoid, sarnad da mastar’-klassad. Ezmäižil lehtpolil om pandud hüvä sügüzline runo da sarn sebranikoiden da hüvüden polhe.
— Mö naprim kirjutada da vaumištada mugoižid tekstad da materialad, miččed tuližiba mel’he lapsile, a völ abutaižiba heile el’geta, miččed hüväd azjad voib tehta kaikutte ristit ičeze elos, sanui ”Kipinän” toimitai Darja Švecova.
Ei amu Karjalan taidehmuzejas mäni čoma ozuteluz heboiden pohe. Julia Aprodu starinoiči äi melentartušt heboiden polhe da pirdajiš, kudambad navediba pirtta heboid. ”Kipinän” toimitai Galina Baburoba vaumišti lugijoide täht čomad faktad Jagi-babas. Necil sarnan hengel om ičeze istoirii da ičeze peitused.
Tradicijan mödhe žurnalas lapsid varastab äi vändod, tegendoid da kuvaozoitesid.
