Uz’ kirj vepsänkeližen čomaliteraturan lugetišhe
“Minun vepsläine oza” -povestin avtor om Nina Zaiceva — “vepsän kirjkelen mam”. Hän om äjiden vepsän kelen openduzkirjoiden i vajehnikoiden tegii, kirjutai, kändai da runoilii. Erased uden kirjan henged da aigtegod om ottud todesižes elospäi.
— Minei om mel’he Vasilii Pul’kinan töid. Minai sündui taht mugažo kirjutada vepsläižes külähižes elos, ližata sihe ičein tundmusid. Tahtoin ozutada, kut ristit zavodib rižada ičtaze ičeze rahvahan da sen kul’turan palan, ozutada, kut kodikel’ tegese hänen elon ozaks, starinoičeb Nina Zaiceva.
“Minun vepsläine oza” -povest’ oli paindud “Verez tullei” -al’manahan nomeroiš. Sen ezmäine pala läksi eloho al’manahas vodel 2022, toine — vodel 2023. Nügüd’ kogonaine tö om keratud ühthe kirjaha. Sen tiraž om 500 ekzempl’arad. Kuvad povestin täht tegi Darja Hil’.
Uzišt neciš temas voib lugeda mugažo venäks.
