Uuzi ozuttelu: ”Tyttilöin muailmu”

Margarita Kemppainen omien tyttilöin vuoh tahtou ozuttua, kui elettih, midä maltettih da ruattih ennevahnas karjalazet. 0+ Kuva: Margarita Kemppainen

Petroskois Käziruadoneroloin talois 14. kevätkuudu avavuu ozuttelu ”Tyttilöin muailmu”.

— Ozutteluh yhtyi piäl 40 neroniekkua da keriäjiä, ozutettavakse on pandu läs 250 tyttii, sanoi Oma Mediale Viktorija Dragun, Rahvahallizen taijon da kul´tuurualguhpanoloin keskuksen ozaston piälikkö.

Kevätkuun 21. päivänny pietäh Tyttilöin luadijoin kanzoinvälisty päiviä. Ozuttelu on omistettu tälle päiväle, kudai yhtistäy kaikkii tyttilöin luajinduneron maltajii, tyttilöin keriäjii da kaikkii, ket suvaijah kaččuo čomii tyttilöi.

— Minun tytit ollah ku ristikanzat rouno. Minä šuoritah heidy ristikanzoin jyttyöh. Niilöin vuoh minä tahton ozuttua, midä piettih piäl rahvas enne, midä maltettih da ruattih, sanou tyttilöin luadii Margarita Kemppainen.

Ozutteluu suau kaččuo adresil Kiirovan uuličču, 13 ruadopäivinny 11.00—19.00 čuassuloin välis.