Tulijal nedalil “Oma mua” da “Karjalan Sanomat” -lehtesed ei läktkoi eloho
Rahoitusen vajaguz’ sündutab “Periodika” -painištos äi jügedusid. Jo tulijad “Oma mua” da “Karjalan Sanomat” -lehtesiden nomerad, miččiden pästand planiruitihe toižeks nedalikš, ei lähtkoi.
— Situacii ei ole kebn, sikš ku meiden lugijad jo maksoiba lehtesiden ezipakičuses, no ičeze aigan lehtesid hö ei sagoi. Nügüdeks päiväks nece azj koskeb kaik lehtesid da kulehtesid, miččed pästab eloho “Periodika”, sanub painišton pämez’ Natalja Sinickaja.
“Periodikan” ohjandaikund holdub, miše nügüdläižed jügedused radnikoiden peniden paukoiden probleman ližaks vedäb sihe, miše pigai painišt kadotab radkundan specialistoid, kudambad äi vozid radaba Karjalan rahvahaližiden keliden hüvüdeks.
Uzištoid neciš temas voib lugeda mugažo karjalaks, suomeks da venäks.
