Tedokonferencii openikoiden täht mäni Vologdan agjas
24.03.2021
Ezmäine rajonan ”Aigoid sidoi nit’”- konferencii oli tehtud Vologdan agjas. Školiden openikad ezitiba ičeze tedotöd da projektad onine-formas.
Konferencijan ühtnikad Šoutjärven školaspäi Kuva: ”Aigoid sidoi nit’”- konferencijan Vkontakte-lehtpolelpäi
Ezmäine rajonan tedokonferencii openikoiden täht mäni Babajevon rajonas 15.-22.keväz’kud. Koronavirusan taguiči konferencii mäni internetan kal’t, sikš ezitada ižeze dokladoid voiba ei vaiše lapsed Vologdan agjaspäi, no Piterin agjaspäi da Karjalaspäi-ki.
—Mö tegim konferencijan online-formas ezmäižen kerdan. Om mel’he, miše oli äi ühtnikoid. Meile oigetihe 26 töd. Kaikutte konferencijan ühtnik valiči ühten sekcijan. Sekcijoid oli kuz’: ”Voz’sadoiden painand”, ”Aigoiden jogi”, ”Sugupol’viden mušt”, ”Kodileden lämoi” da toižed, sanub konferencijan tegii Ol’ga Smirnova.
Žurijouk arvosteli lapsiden oppindoid i tedoprojektoid da valiči vägestajid. Konferencijan satused da ühtnikoiden ezitused voib löuta azjtegon Vkontakte-gruppas.
Lisää aiheesta
