Lapsil om voimuz tundištadas tähtaztedonke Petroskoin üläopišton opendajiden abul.
Petroskoin üläopištos radab ”Asterion”-klub. Täl vodel kaik tedon navedijad voiba ühteta vastusihe da sada äi uzid tedoid tähtazkundoiden da tähthiden polhe. Kluban programm om tehtud openikoile, üläopenikoile da kaikile tahtnikoile.
− Vastusid vedäba üläopišton Fizik-tehnižen institutan kafedran opendajad. Pandemijan taguiči nügüd’ mö tegem online-vastusid. Ühtes polespäi se andoi voimust lapsile toižiš Karjalan rajoinoišpäi mugažo ühteta kluban radho, sanub Nijole Skorikova, Petroskoin üläopišton radnik, Fizik-tehnižen institutan kafedran docent .
Openduzčasud oma maksutomad. Sen täht, miše ühteta kluban vastusihe, pidab oigeta pakičuz verkpočtale.
”Asterion”-kluban rad zavodihe jo vodel 2008. Ezmäi se oli üläopenikoiden sebr. Vodelpäi 2012 openduzčasud tehtihe školiden openikoiden-ki täht.