“Suan hyviä mieldy omas ruavos”
Natalja Ambrosimova kazvattau mandžoidu Nuožarven kyläs. Vuvvennu 2019 valdivollizen kannatuksen hyvyös naine osti muapalat monivuodizien kazvoksien kazvattamizeh niškoi, mandžoin taimenet da furgon-mašinan tavaroin vedämizeh niškoi. Kolmel gektuaral muadu kazvau eri mandžoilajiloi: Polka, Korona, Sonata da kuulužu Mal’vina. Marjua kyzytäh, ostetah.
Natalja Ambrosimoval oli 30 vuottu igiä, konzu häi muutti elämäh Karjalah. Aijan mendyy tiijustettuu, ku rahvas aijeltah muijale suamah den’gua mandžoin keriämizel, Natalja rubei ajattelemah omua fermua. Ruaduo naine ei varannuh: hänen buabah jo lapsusaijas harjaitti händy ruadoh.
— Suan ylen hyviä mieldy omas ruavos. Žiälöičen, ku en ruvennuh kazvattamah marjua aijoimbi. Kaksikymmen vuottu “kaimain”. Tänäpäi minul on hyvä ruadajien joukko, kudai avvuttau täs jygies ruavos, sanou Natalja Karjalan piämiehen lehtistöpalvelule.
Mustoitammo, ku vuvves 2019 algajen Pieni da keskisuuri biznes da individualizen biznesinitsiatiivan kannattamine -kanzallizen projektan mugah Karjalan 52 fermerua on suannuh grantat mandžoin kazvattamizeh.
