Karjalan pälidnas avaižihe karvingan škol, kus om azotadud nügüdläine harjoituzkalu lumilaudal da mägisuksil huzaidajiden ristituiden täht. Nece unikaline sportharjoituzkalu abutab olda hüväs sportformas i paremboitta huzaidandmahtoid kezal da sügüzel.
— Harvinaine lidn voib bahvalidas mugoižel kaludištol, no ved’ nece om Petroskoi! Miše sada hüvid satusid mägipautkel i ei sada satatesid – täs karvingan škol om parahim abunik. Mägisuksil huzaidajiden täht se abutab paremboitta huzaiduzkorktut karvingkändandoid tehtes, a lumilaudal om toine azj. Voib opetas huzaita harjoituzkalul i sid’-žo mägipautkele, jagase ičeze mel’pidol karvingan školan openik Natalja Kivirjan.
Uz’ harjoituzkalu kožub kut lapsile, muga aigvoččile, kudambil om erazvuitte vaumičendkorktuz’. Se andab voimusen huzaita erazvuiččiš oloiš: jämägel, päliči mäthaižiš, märgadme luntme. Tarbhaižed tedoid karving školan polhe voib löuta täs.