Sodderan meččih istutettih kaheksa tuhattu pedäjän taimendu
Sodderan mečänhoidoalal tänävuon oli 26 tulipaluo, nelli kudamis oldih suuret. Kaikkiedah on palanuh 9 673 gektuarua meččiä. Aktsieh yhtynyöt -toimehpanijan vallan ruadajat, meččyalan vuogruajan ezittäjät, Priäžän piälimäzen mečänhoidoalan ruadajat da volont’ourat — istutettih enämbi kaheksua tuhattu pedäjän taimendu.
Meččäh istutettih yksivuodizii Karelleshoz-laitoksen tilavon mugah Vilga-taimenkazvattamos kazvatettuloi taimenii. Juuri mostu pedäjän laduu kazvoi sil alovehel enne.
– Tänävuon oli jygei tilanneh: meččy paloi 22 000 gektuaral. Sendäh tänäpäi meil pidäy olla vastuollizennu, sanoi karjalan luonnonvaroin da ekolougien ministru Andrei Karelin. — Tänäpäi myö istutimmo kaheksa tuhattu taimendu, kaikkiedah vuvven loppussah Karjalan mečis rodieu 97 tuhattu nuordu puudu.
Mečän kundohpanendua Karjalas jatketah. Enne sidä aktsii piettih Suojärven Suojärven mečänhoidoalal Vegarusskoin ozastol. Suojärven piälimäzen mečänhoidoalaln da Zapkarelles -laitoksien ruadajat da volont’ourat istutettih enämbi 12 tuhattu pedäjän taimendu 6,4 gektualal.
