"Sattuma" esitti konsertin 20-vuotisjuhlakši
Uušie lauluja ta šuosittuja lempilauluja esitti Sattuma -folkryhmä Petroskoissa Gandvik-audiostudiošša. Ohjelmašša oli lauluja šuomen, karjalan ta venäjän kielellä, kertomukšie ryhmän šoittajista ta mukavimmista ryhmän taitoelämän hetkilöistä.
— On mukava, jotta šattumalta mie ta Vladislav D'omin tulima Petroskoih šamah aikah ta niin nopiešti järještima konsertin ta šoittima šiinä ni uušie lauluja, kumpaset vielä vain tallennamma. Passipo kaikilla, ket tultih, šano yhtyvehen solisti Arto Rinne.
Sattuma-yhtyveh esittäy karjalaista musiikkikulttuurie koko muailmašša. Ohjlemistošša on oma musiikki, kumpasen peruštehena on Karjalan kanšojen: karjalaisien, šuomelaisien ta venäläisien etnomusiikkie. Niitä esitetäh tovelliset musiikkimuasterit — nerokkahat šoittajat, kumpaset omissetah musiikilla koko elämän.
Konsertissa laulo ta šoitti kitaralla, akkordeonilla ta huulihaitarilla Arto Rinne, viululla ta jouhikolla — Vladislav D'omin, basso — Artjom Undalov, rummut — Jegor Papsujev.
Aihiešta voit lukie niise šuomekši.
