Saneluz karjalan da vepsän kelil kirjutadas jo kümnenden kerdan
Akcii ”Saneluz karjalan da vepsän kelil” mäneb 20.—26. sulakud 74 tahoos. Sihe ühtneba Karjalan 14 rajonan, Piterin, Tverin da Vologdan agjoiden eläjad.
Petroskoin eläjiden täht sanelusen kirjutamižen tahoks tegihe Petroskoin universitet. Petroskoilaižed ühted ezmäižišpäi kirjutiba sanulesen tämbei, karjalan da vepsän kirjutuzkelen päivän.
Kaiked azjtegole Petroskoin universitetha tuli 80 mest. 18 heišpäi kirjuti sanelusen vepsän kelel. Ezmäižen kerdan sanelusen vepsäks lugi Karjalan rahvahaližen da regionaližen politikan ministerstvan radnik Ol’ga Sobolenko.
— Täl vodel sanelusiden tekstad oli omištadud Opendajan vodele. Vepsän kelel om valitud oteg Vasilii Pul’kinan ”Ezmäine urok”-starinaspäi. En voi sanuda, miše tekstad oma kebnad, no kacmaha necihe toivom, miše kaik sanelusen ühtnikad čomin kirjutiba niid da ližaks saiba hüväd mel’t kirjutamižespäi, sanub Ol’ga.
”Saneluz karjalan da vepsän kelil”-akcijad rahatugedab Karjalan rahvahaližen da regionaližen politikan ministerstv. Akcijan tomotajan om ministerstvan radnik Jelena Migunova. Täl vodel akcii mäneb jo kümnenden kerdan.
Ližatedoid saneluses voib sada tägä.
Uzištoid neciš temas voib lugeda mugažo karjalaks.
