Sügüzline kibin ihastoitab lugijoid
Kipinä-kulehtesen uz' nomer tuli eloho. Kaikutte lugii voib löuta midä-ni ičeleze. Ezmäine lehtpol' vastatab lugijoid Galina Baburovan ”Sügüz’ tuli” - čomal runol.
Kulehtesen lehtpolil tö voit löuta čoman mastar’-klassan i opetas tehmaha sügüz’ližen kirben, mitte voib pit’kha ihastoitta ičeze čomudel.
Täl vodel Šoutjärven päivkodile om 90 vot. Sen radnikad starinoičeba ičeze rados da päivkodin istorijas.
Julia Aprodu, Karjalan taidehmuzejan radnik, starinoiči Kipinän lugijoile tetaban kuvadajan polhe, ken kuvazi vepsän külid ičeze taidehkuviš. Miččid, kackat žurnalas.
“Teiden ičetoi lehtpol’”-rubrikas om uz’ adiv. Meiden lugii iče kirjuti starinan ičeze neglikan polhe, a Kipinän toimitajad kändiba sen vepsän kel’he. Voib-ik afrikalaine neglik eläda kodiš kažinke, mugažo starinoičem kulehteses.
Tradicijan mödhe melentartuižed tegendad, ilosižed runod, kaikenaigaižed rubrikad varastaba Kipinän lugijoid. Verez nomer voib ostta ”Periodika”-paindištos.
