Nykyaikani urheilualoveh šijoutuu Rukajärven koulun vierellä, missä opaštuu 56 henkie. Lapšet jo aikoja huaveiltih universalisešta tilašta, missä voit aktiivisešti viettyä vapuata aikua.
— Meilä še on kokonaini tapahtuma, vet toteutu meijän unelma. Koululaiset hyvällä mielellä harjotellah uušilla voimistelulaittehilla, kertou koulun johtaja Jelena Prokopovič.
Šamoin GTO-kentän valmistamisešša autettih ni ruatajat, kumpaset korjattih lähellä tietä. Hyö ilmasešti tuotih čuuruo kentän rakennušpaikalla.
GTO-kentäštä tuli urheilupaikka kuin lapšilla, niin ni aikuhisilla. Voimistelulaittehie voipi käyttyä ympäri vuuvven ta ne autetah šuorittua GTO-normatiivija.
Rukajärven urheilukenttä oli ašetettu Demografija-kanšallisprojektin rajoissa. Šitä ennein šaman projektin rajoissa GTO-kenttä oli avattu Kemin piirin Rabočeostrovsk-pos’olkašša.