Rahvahan kirjutamine tugeb igähižid rahvahid
Ühthižrahvazkundan andmusiden mödhe igähižid rahvahid om 6% mirun eläjišpäi vai 500 miljonad mest. Venämal igähižed rahvahad oma rahvahad, kudambiden lugu om vähemba, mi 50000 mest, hö eläba ičeze tradicionaližiš elotahoiš, kaičeba ičeze kel’t da kul’turad.
Jäl’gmäižen 2010 voden Rahvahan kirjutamižen mödhe meiden mal eläb 46 igähišt rahvast, nece om 316 tuhad mest.
Vaiše Rahvahan kirjutamine abutab kerata unikaližid andmusid igähižiden rahavhiden lugumäras, sugus, igäs, keles, openduses da elon oloiš.
— Rahvahaline politik Venämal om oigetud igähižiden rahvahiden kul’turiden, tradicijoiden, keliden kaičendaha. Sen effektivižen todenzoitusen täht tarbiž oiktad lugud. Jäl’gmäižen kirjutamižen andmused ei olgoi jo aktualižed, sanub Plehanovan Universitetan tedolaboratorijan pämez’ Jelena Jegorova.
Kirjutamižen ühthevedod tegesoiš etnokul’turižen kehitoitusen programmoiden pohjaks da orientiraks.
Venäman Rahvahan kirjutamine mäneb 15. redukud – 14. kül’mkud vodel 2021.
