Priäžän piirissä issutetah 8000 mäntytaimenta
Aktijon rajoissa Priäžän, Kontupohjan ta Šuojärven piirilöissä, kumpaset on eniten käršitty šuurista meččäpaloista, vietetäh lisätilaisukšie meččien kunnoštamista varoin.
— Sodderin mečänhoitoalovehella šemmoista aktijuo pietäh elokuun 28. päivänä.
Aktijon tarkotukšena on kiinittyä väještön huomijuo meččäresurssien šuojelun kyšymykših meččäpalojen alun vuaran takie.
Šiih toimenpitoh otetah ošua Karjalan tašavallan luonnonvarojen ta ekologijan ministerijön etuštajat šekä ministerijön alasien Karelleshoz-, lento- ta muašuojelun Karjalan keškuš -, Priäžän piämečänhoitoaloveh -laitokšien ruatajat, mečän mua-alua vuokruajan Leseko Nord -yritykšen etuštajat ta volont’orit, kerrotah Karjalan tašavallan luonnonvarojen ta ekologijan ministerijön VK-šivulla.
Toimenpivon ošallistujat issutetah yli 8 000 mäntytaimenta nellän hehtarin alovehella. Aktijo alkau klo 11.
