Pizza VS šipainiekku: Mibo voitti?
Pojedem, pojedim -programmu kuvattih Sordavalas kezäkuun 9. päivänny. Karjalaine aktivistu Alla Silkina opasti gostii pastamah šipainiekkoi da saneli karjalazien perindöllizis syömizis. Alla tovesti gostile, ku šipainiekku ei ole pahembi pitsua. Tovestuksennu rodih suuri šipainikekku 1,53 santimetrii piduhuttu da 56 santimetrii levevytty. Pastos painoi läs viitty kiluo.
– Konzu tuodih šipainiekku, Frederiko da Gabriella ei voidu uskuo omii silmii, moine suuri da čoma šipainiekku oli! Pastoksen piäl oli ruskiedu kalua da sualattuu ogurčua. Frederikol rodih mieldy myö karjalaine muuzikkugi da häi oppi soittua kandelehel, saneli Alla Silkina.
Programmua kuvattih vie Ruskealas dai Valamos. Video Karjalazien syömizeh nähte voibi kaččuo 18. syvyskuudu.
