Petroskoissa on avattu nuorisoruvetuškeškuš

Nuorisoruvetuškeškuš toimiu Kaupunkin lapšienpoliklinikan tiloissa. Kuva: Karjalan tašavallan tervehyšhoitoministerijön lehistöpalvelu.

Nuorisoruvetuškeškukšešša voipi šuaha spesialistien Valentina Židkovan ta Jelena Fursinan neuvoja šekä luatie koronarokotukšen. Lisäkši rokotušprikati rupieu käymäh oppilaitokšissa niijen anomukšien mukah.

– Valitettavašti meijän tašavallašša nuoret laisašti otetah koronarokotukšie. Nuoret ihmiset niise läsiyvytäh koronaviirussih, varšinki još heilä on liittyjie tautija. Ka piävuarallisuona on še, jotta voipi tartuttua omie armahie, kumpasilla on heikko immunitetti. Šentäh nuorisuo varoin myö olemma avannun tämän keškukšen, korošti poliklinikan piäliäkäri Nadežda Dreizis.
Keškuš toimiu arkipäivinä kello 15:30–18:00.