Petroskoiš om zavodinus “Manzikaižen robeh” -sadmanzikaižen festival’
Tämbei, 15. heinkud, Petroskoin Änižen randirdan da Leninan prospektan ristikoičendal om zavodinus “Manzikaižen robeh” -sadmanzikaižen festival’, siš tedotadas “Stolica na Onego” -portalal.
— Karjalaižed manradajad da sömtavaroiden tegijad ozutaba verest sadmanzikašt, sadmarjoid da niišpäi tehtud tavaroid, sanutas portalal.
Festivalin adivoil om voimuz ostta marjkeitost, džemad, limonadoid, marjvet, pastilad, jähišt, erazvuittušt šokoladad da toižid magedusid. Kaiken ližaks jarmarkal voib ostta desertoid sijaližil tegijoilpäi: zefir firmpälitesiš da toižid sömtavaroid.
“Manzikaižen robeh” -sadmanzikaižen festival’ radab kaikuččen päivän 10:00 časuspäi 20:00 časuhusai i jatkub elokun 2. päivähasai.
Kaikutte tahtnik voib päzuda sille maksuta.
Uzištoid neciš temas voib lugeda mugažo karjalaks da suomeks.
Tarkištele "Oma Median" MAX-kanalad!
