Karjalas on pandu rattahile Vuvven kirju 2024 -kilbu. Periodika-julguamo sežo yhtyy sih.
— Vuvvennu 2024 Periodika-julguamo ei piästänyh ilmoih muga äijän kirjua, kui vuvvennu 2023, yhtelläh meil tänävuongi on mieldykiinittäjii kirjoi kilbah työndiä. Sanommo, Dmitrii Dmitrijevan Runosuarnat 3 -kirju, kerdoi Oma Mediale Periodika-julguamon kirjuozaston piälikkö Jelena Ravitskaja.
Vuozi tagaperin kilbah oli työtty 86 pakičustu. Palkindos kilbaili 45 kirjua. Periodikan jullattu Vepsäläzien kul’tuuruperindö -kirju vallittih Vuvven kirjakse 2023. Se kerdou vepsäläzien elaijas 1950-luvul.
Pakičuksii kilbah otetah kevätkuun 5. päiväh suate. Tarkembat tiijot lövvytäh Karjalan kanzallizen kirjaston verkosivul.
Aihies voibi lugie sežo vepsäkse ja suomekse.