Pakkaisukon taikajuna toi pruasniekkua Petroskoih

Uuvvenvuuvven piäšankari tervehti Petroskoin eläjie ta vierahie. 0+ Kuva: Uljana Tikkanen

Petroskoin rautatieašemalla luati pysähykšen Pakkaisukon juna. Koko päivä šielä piettih huvitušpitoja lapšilla ta koko perehillä.

Junan ta pruasniekan piäšankari niise voipi nähä. Pakkaisukko Lumikin kera tervehettih Petroskoin eläjie ta vierahie.

— Mie tulin teilä kotipaikašta Velikii Ust'ugista, jotta toivottua ošakašta uutta vuotta, tuuvva hyvyä mieltä ta toteuttua teijän unelmie, šano pruasniekan piäšankari.

Ohjelmua jatkettih Pakkaisukon apulaiset, hyö kisattih ta tanššittih lapšien kera. Ašema tuli kaunehešti korissetukši pruasniekan paikakši.

Taikajunašša šuau tuttavuštuo Pakkaisukon elämäh ta taikaruatoh, ottua kaunehie valokuvie, lähettyä poštie, šyyvvä makeisie - kenkänä ei lähe šieltä ilman pruasniekkamieltä.

Petroskoista juna lähtöy pohjosen nuapurialovehen piäkaupunkih Murmanskih. 

Taikajunan enši pysähyš on Murmanskissa. 0+ Kuva: Uljana Tikkanen

Pakkaisukon pošti toimi taikurin vierailun aikana. 0+ Kuva: Uljana Tikkanen

Petroskoin rautatieašemalla šai pityä iluo ta tanššie. 0+ Kuva: Uljana Tikkanen