Šoutjärves letas uz’ ambulatorii
Koume vot tagaze Šoutjärves paloi ambulatorii. Siš aigaspäi medradnikad abutaba külänikoile, a mugažo Kalagen da Šokšun küliden eläjile školas. Mugoižiš honusiš, kus ei ole tarbhaižid oloid, medradnikoile om lujas jüged rata.
Täl vodel Karjalan b’udžetaspäi anttihe dengoid uden ambulatorijan sauvotusen täht. Se linneb ani külän keskuses. Radod sauvotusen mödhe jo zavodihe heinkus.
— Nägub, miše padr’adčikad hotkas radaba. Nügüd’ tehtas betonaluz, pättas vezi- da lämbituzküzundoid. Ambulatorii toivotadas leta tal’vkuks, sanub Šoutjärven külän administracijan pämez’ Irina Safonova.
Udes ambulatorijas tervhuden holitusen saškaba 1200 sijališt eläjad, a mugažo eläjad susedkülišpäi. Kaik medhonusiden kalutamine, kodvuz’- da tervhuz’ kaludišt tadas tulebal vodel.
