Šoutjärves kahesanden kerdan mäneb “Pajokeraine”-festival
08.11.2024
Necin sobatan Šoutjärvehe tuleba lapsed, miše ozutada ičeze pajo-, karg- da kel’mahtoid. “Pajokeraine”-festival’ tehtas sigä kerdan kahtes vodes.
Täl vodel festivalin teman om “Minun pereh om minun kal’huz’”. 0+ Kuva: Natalja Novikova
Necin sobatan Šoutjärvehe tuleba lapsed, miše ozutada ičeze pajo-, karg- da kel’mahtoid. “Pajokeraine”-festival’ tehtas sigä kerdan kahtes vodes.
Täl vodel festivalin teman om “Minun pereh om minun kal’huz’”. Nügüdeks ičeze pakičusid festivalile oigenzi jo 15 sädaikollektivad Šokšuspäi, Šoutjärvespäi, Kalagespäi, Petroskoišpäi da Vologdan agjaspäi.
— “Pajokeraine” — nece om pajoid vepsän kelel, vepsläižid karguid, teatrozutelusid perehes, londuses da kodiröunas, starinoičeb Šoutjärven školan vepsän kelen opendai Ales’a Anušenkova.
“Pajokeraine”-festivalin tegijad oma Šoutjärven škol, Šoutjärven sijaline administracii, Änižröunan Opendusen erišt da Karjalan rahvahaližen da regionaližen politikan ministerstv.
Lisää aiheesta
