On ilmotettu Karjalan istorijalla 1100-luvulla omissettujen taitotevokšien kilpailu
Tašavallašša on startannun kilpailu, mih ošallissutah perehluvennalla adaptoitut taitotevokšet, kumpaset kerrotah Pravoslavnoin ušon kehitykšeštä Karjalašša 1100-luvulla. Šiitä ilmottau Karjalan tašavallan kulttuuriministerijö.
— Ošallistumah kilpailuh kučutah yli 18-vuotisie taitokäsikirjutukšien luatijie ta luatijan oikevuon omistajie. Kilpailutöijen aihiena pitäy olla Karjalan istorija 1100-luvulla. Tevokšien on kuvaššettava tapahtumie ta kuvie, kumpaset on šivottu pravoslavnoin perintehen kehitykšeh. Tevokšen on oltava šelvä perehluvennalla, šelitetäh tiijotukšešša.
Käsikirjutuš julkaissah vuotena 2027 Karjalaisien rissinnän 800-vuotisjuhlan rajoissa.
Kilpailu auttau luatie uutta kirjallisuštevošta, kumpani yhistäy istorijallista luotettavutta, taitoilmekkyttä ta kašvatušmahollisukšie.
Dokumenttija otetah vaštah šulakuun 1. päiväh šuaten. Dokumenttija voipi työntyä merkittynä poštilähetykšenä liittehen luvetteloineh tahi tuuvva ičen Karjalan tašavallan kanšanneron ta kulttuurialottehien keškukšeh.
Aihiešta voit lukie niise šuomekši.
Yhty Oman Median kanualah Telegramas!
