Tänävuon 25. pakkaskuudu Periodika-taloin da Akvatika-vezisportukeskuksen välizele kujole pandih Oma Mua -lehten nimi. Kujon puhtahuos piendiä nygöi Oma Mua -lehten toimittajat hommatah iče.
– Kujo on asfal’tiiruittu, sie on äijy garažua, kudamis lähäl eläjät rahvas pietäh omii mašinoi. Keviän tulduu kai revut da topat tuldih nägövih. Myö nygöi olemmo kujon ižändii, kabrastimmo kai topat da pyhkimmö puhtahakse kujon tien, sanou lehten piätoimittajan virras toimii Ol’ga Smotrova.
Sulakuun 27. päivänny Kanzallizen da alovehellizen poliitieklan ministerstvu kuččuu kaikkii tahtojii yhtes karbastamah Karjalazien runoloin puustikkuo, kudai sežo rodih Petroskoin kartale tänävuon pakkaskuus da sijoiččou Anohinan pihale taloloin n:o 10 da 16 rinnal.