Nuorii livutetah kul’tuurah
Karjalas viijetty kerdua 18.—24. oraskuudu pietäh Puškinan kortin nedäli -aktsiedu. Tänä vuon tazavallan eläjile da Karjalah tulluzile kul’tuurulaitokset taritah enämbi 80 piduo. Aktsiedu pietäh kanzallizen Pereh-projektan kannattamizekse.
Puškinan kortin nedäli -aktsien tarkoituksennu on livuttua tazavallas eläjii 14—22-vuodehizii nuorii kul’tuuruelaigah.
— Nedälin aigah pietäh ekskursieloi, interaktiivizii harjaituksii, ruadopajoi, luvendoloi, ozutelmii, konsertoi, ozutetah kinuo. Nedälin pidoloi valmistetah ei vaigu Petroskois, ga Karjalan toizisgi eländykohtis, ilmoittau Karjalan piämiehen lehtistöpalvelu.
Vuvves 2026 Puškinan korti -programmua palvelou VTB-banku. Kortin käyttäjil pidäy luajittua korti uvvessah, ku olis mahto ielleh ostua lippuloi pidoloih.
Aihies voit lugie vepsäkse da suomeksegi.
Yhty Oman Median kanualah MAX:as!
