Nellä koulubuššie vietih Karjalan piirilöih

Uuvvet buššit ollah mukavat ta turvalliset. Kuva: Karjalan opaššuš- ta urheiluministerijön lehistöpalvelu

Joka opaššušpäivä Miinalan, Sohjanankošen, Uuvven Vilkan ta Jessoilan kouluih lapšie ruvetah tuomah uušilla buššiloilla. Koulumatka tulou mukavammakši, uuvvet buššit luajittih pohjoispiirijä varoin, niissä on lämpimämmät lattiet ta ovi, ikkunoistaki kylmä ilma ei piäše šiämeh. Buššit niise vaššatah kaikkih turvallisušvuatimukših.

‒ Uuvvet buššit ruvetah kulkomah vanhojen buššien ašemešta, vain Miinalan koulušša uuši bušši käytetäh entisen lisäkši, šentäh kun koululaisien miärä kašvo. Matka kouluh tulou vielä mukavammakši ta turvallisemmakši, šano Karjalan opaššuš- ta urheiluministeri Roman Golubev.

Joka vuosi Karjalan koulut šuahah uuvvempie buššija. Vuuvvešta 2016 yhteh lašettuna niitä on šuatu 130.