Necil vodel sanelusen karjalan da vepsän kelil kirjuti läz 1 200 mest
Lopihe ”Saneluz karjalan da vepsän kelil”-akcii. Necil vodel sanelusen kirjuti läz 1200 mest. Suren Vägestusen 80-voččen jubilejaks sanelusen tekstad oli omištadud voinan temale.
Akcii zavodihe 21. sulakud Petroskoin universitetan kirjištos. Petroskoiš sanelusen karjalan da vepsän kelil kirjuti läz 70 mest.
— Akcijaha ühtniba üläopenikad da školan openikad, tedon da kul’turan radnikad, kundaližiden sebroiden, biznesan da joukvestišton ezitajad, kirjutiba “Saneluz karjalan da vepsän kelil” -akcijan tegijad VKontakte-gruppas.
Saneluz kirjutadihe Karjalas, Tverin, Piterin, Vologdan da Murmanskan agjoiš. Akcijan tegijad oli ”Karjalan rahvahan sebr”- kundaline organizacii. Akcii tehtihe Karjalan pämehen grantoiden fondan da Karjalan rahvahaližen da regionaližen politikan ministerstvan tugel.
Uzištoid neciš temas voib lugeda mugažo karjalaks, suomeks da venäks.
