Karjalankielizen “Kybenyön” pienii lugijoi vuottau äijy mieldykiinittäjiä da uuttu. Žurnualan verekses noumeras tiijustat, kui karjlazet ennevahnas mečuittih eri meččyelättilöi da mittuine syömine karjalazil dai vepsäläzil oli kezäl kaikis magevin. Sidä paiči opastutgi pastamah kakkarua, keitinpiiraidu da sulčinua.
Sanakniigu-rubriekku täl kerdua sanelou laukku-sanah nähte, kudamal on kai nelli eri merkičysty! Karjalan kielen tiedäjile täl kerdua on jygei rahjaitus – pidäy panna mustoh da ylen terväh, öntäsymättäh, sanuo kieliloruloi. Ken ei malta terväh paista, se voibi oppie pajattua vesselii pajoloi da soittua kandelehel.
– Tavan mugah elokuun noumeras rodih materjualua školaniekoile. Uvvekse opastusvuvvekse “Kipinä” on varustannuh omih lugijoih niškoi kniigansivunmerkit da tertattih kiinitettävät opastajan tiijot, sanou “Kipinän” toimittai Ol’ga Smotrova.
“Kipinän” toimittajat toivotetah omile lugijoile lämmiä sygyzyy da lykkyy da hyviä mieldy karjalan kieldy opastujes uvves opastusvuvves.