Mihail Mišustin andoi Ven’an haldivon palkindon kul’tuurualan ruadolois

Mihail Mišustin andoi Ven’an haldivon palkindon kul’tuurualan ruadolois

22.01.2025
On palkittu projektu “Yhtehine ruado. Pohjaispuolen puuhizien kirikkölöin elavuttamine”.
Pedrun da Puavilan kirikkö Belomorskan piirin Virman kyläs kuuluu vuvven 2025 projektan ruadoloih. Kuva: Ilja Timin
Pedrun da Puavilan kirikkö Belomorskan piirin Virman kyläs kuuluu vuvven 2025 projektan ruadoloih. Kuva: Ilja Timin

Ven’an haldivon piämies Mihail Mišustin andoi palkindot vuvvennu 2024 todevutettulois kul’tuurualan projektois. Omas ezitykses Mišustin korosti, ku palkittavat projektaе annettih rahvahale mahton yhtyö Ven’an rikkahan perindön säilyttämizeh.

— Artistoin da uvven ludijoin vastus oli ylen suuri. Sendäh ku kul’tuuru ainos enzimäzenny andau vastavuksen tärgevimih kyzymyksih, sanoi Mihail Mišustin Ven’an haldivon Telegram-kanualale.

Vuvvennu 2024 haldivon palkindot suadih seiččie projektua, jogahine niilöis on tärgei da erinomaine ilmivö omal alal.

Palkittuloin joukos ollah Rajev-linnan Serafim Sarovskoin kirikön ižändy Aleksei Jakovlev, Perindö-yhteiskunnallizen liiton piälikkö Andrei Bode da Ižänmuan hengellis-kul’tuurizen perindön elavuttamizen fondan piälikkö Lidija Kuritsina da heijän projektu “Yhtehine ruado. Pohjaispuolen puuhizien kirikkölöin elavuttamine”.

Projektu “Yhtehine ruado. Pohjaispuolen puuhizien kirikkölöin elavuttamine” sai allun vuvvennu 2006, on luajittu meijän muan pohjaipuolen puuhizien kirikkölöin da časounoin säilyttämizekse da toimiu Pyhän Moskovan da kogo Ven’an patriarhan blahosloven’n’as. Kaheksastostu vuvves on luajittu 560 ruadomatkua Ven’an pohjaispuolen eri kolkih — Arhangel’skan, Voulogdan, Piiterin alovehile, sego Komin da Karjalan tazavaldah, tutkittu 360 kirikkyö da časounua da säilytetty 187.

— Karjalan tazavaldu ihan projektan allus yhtyi sen ruadoh. Kižin muzeigi oli sit joukos. Meijän muzein spetsialistat, restavruatorat da ekspertat nevvottih projektan volont’ouroi, ku kai ruavot odas luajittu tolkun luaduh da Ven’an zakonan mugah. Projektu luadi suuren panoksen tärgieh ruadoh kul’tuuruperindön säilyttämizekse. Karjalas on äijy kyliä da hieruu, kudamis on pahas kunnos olijua kirikkyö da časounua. Net pidäy kiirehel “konserviiruija”, ku niilöih konzutahto tuldas uskovazet. Projektu ruadau vie sengi hyvän ruavon, ku kirikkölöin da časounoin kohendettuu rakendajat, volont’ourat lähtietäh iäres, kiriköt jiäjäh kyläläzien huoleh, heis viriey uskon kyven da vastus omas muas, sanou Tatjana Nezvitskaja, Kižin muzein V.S.Rahmanovan nimellizen kogo Ven’an puuhizen arhitektuuran keskuksen tiedo-metoudizen ozaston piälikkö Oma Media -portualale.


Aihies voit lugie ven'aksegi.


Lisää aiheesta
Karjalan Sanomat
Sortavalaan uusi museo – Serdobolin historian museo tulossa vanhaan taloon
Parhaillaan puurakennusta ja sen piha-aluetta kunnostetaan vapaaehtoisten voimin.
Karjalan Sanomat
Liikenne: Louhesta Pääjärvelle pääsee taas kiskobussilla
Liikenne reitillä on ollut keskeytetty korjaustöiden takia ja alkaa taas huhtikuun alussa.
Karjalan Sanomat
Petroskoin uudella poliklinikalla työskentelee 75 lääkäriä
Kukonmäen poliklinikka tarjoaa asiakkailleen laajan palvelukirjon.
Oma Mua
Ozuttelu: Roindumuan čomuttu piirustajes
Priäžän joudoaijan luomisruavon keskukses on avattu Nikolai Vasiljevič Fiškovan kuvien ozuttelu.
Karjalan Sanomat
Kalastushiihtokilpailut keräsivät yli 150 osallistujaa Karjalasta ja Pietarista
Suikujärven taajamasta tuli kilpailujen pitopaikka. Kalastushiihto on ainutlaatuinen urheilulaji. Se yhdistää kalastuksen ja hiihdon.
Karjalan Sanomat
Otsanlahdelle matkailu- ja hiihtokeskus – Investointihanke luo yli 70 työpaikkaa Laatokan Karjalaan
Tasavallan hallitus on myöntänyt tontin Terve Ranta -yritykselle urheilukeskuksen rakentamiseen.
Karjalan Sanomat
Karjalaiset tuotteet parhaiden joukossa – Hillo, marjakastike ja maitohorsma toivat voiton
Mama Karelia -rajavastuuyhtiö sai kultaa Moskovassa pidetyillä elintarvikemessuilla Prodexpo.
Oma Media
Зал был полон гостей – В Шокше прошёл Песенный фестиваль вепсов
В Шокшинском доме культуры состоялся песенный фестиваль ”По традициям вепсского народа”.
Karjalan Sanomat
Partisaaniliikkeen museo avataan Belomorskissa – Kävijöille tarjotaan ulkoilmanäyttely
Partisaaniliikkeen päämajan rakennus halutaan siirtää lähemmäs Karjalan rintaman museota.
Oma Mua
Belomorsku: partizuanuliikkehen muzein avuandu
Belomorskan linnah avatah partizuanuliikkehen muzei.
Kirjaudu sisään
Rekisteröityä
Salasana
Vahvista salasana