Mastar’-klass: Opendajid da openikoid opetas akt’ormastarudele da scenpaginale
”Vepsän rahvahan tütar” – projekt tehtas täl vodel ”Baltianmeren-suomalaižiden rahvahiden liga”-sebral da om omištadud Sovetskijan Sojuzan gerojan Anna Lisicinan 100-voččeks muštpäiväks. Projektan ramkoiš planuitas tehtas äi erazvuiččid azjtegoid, kudambiden keskes oma matkad Karjalan külidme da lidnoidme mastar’-klassoidenke akt’oran mastarutme.
Ezmäižed mastar’-klassad vedetihe jo vepsän mal. Ezmäine vastuz’ mäni Šoutarv’-küläs, kus opendajid da openikoid opetihe akt’ormastarudele da scenan paginale. Toine mugoine vastuz’ mäni Kalages. Koumanz’ vastuz’ projektan ramkoiš mäni Šokš – küläs.
— Mugoižed praktikad oma tarbhaižed kut openikoile, muga opendajile-ki, sanub projektan ohjandai ”Baltianmeren-suomalaižiden rahvahiden liga”-sebran Anna Anhimova.
Matkoiden satusen oli literaturiž-muzikaline kompozicii ”Gerojan urohontego” Kvarcitnii-küläs. Šoutarven, Kalagen da Šokšun školiden openikad, sijaližed eläjad da Petroskoilaižed lugiba patriotižed runod, muzikansaml’ad pajoiba pajod.
Tulii matk planuitas tehta Segeža-lidnaha. Mastar’-klassoid vedäb Karjalan arvostadud artist da Rahvahaližen teatran aktris Aleksandra Aniskina.
