Marafonu: Kerro omassah perehes

Karjalan Rahvahan Liiton marafonah vuotetah perehih nähte kerdojii tekstoi, videoloi, kuvii, prezentatsieloi. 6+ Kuva: Natalja Sinitskaja

Karjalan Rahvahan Liitto Rakkahuon, perehen da uskolližuon päiviä vaste ilmoittau uvven marafonan ”Kerro omassah perehes”.

— Vuottazimmo marafonah kerdomuksii perehih nähte. Se voibi olla tekstu, video, prezentatsii da muu ”kerdomus”, sanoi Oma Mediale Natalja Sinitskaja, Karjalan Rahvahan Liiton johtokundah kuului.

Marafonan aihieloikse ollah otettu perehen perindö, perehen mustoezineh, sugupolvien yhtevys.

Parahat marafonah työtyt ruavot sijoitetah Karjalan Rahvahan Liiton VK-sivule tämän vuvven heinykuus. Parahien kilburuadoloin luadijat suajat mustolahjat. Kai marafonah yhtynyöt suajah Ozanottajan doplomat sähkömuvvos.

Ruadoloi otetah vastah heinykuun 2. päiväh suate.