Luge runo Karjalan radion efiras
Lapsiden äned kuluba Karjalan radion efiras. Udeks vodeks radion radnikad tahtoiba, miše kaik muštištaba ičeze armhid runoid Uden voden da tal’ven polhe. Neičukaižed da prihaižed voiba oigeta runod, miše ned kuluižiba radion efiras. ”Runod taburetkal” – mugoine nimi om valitud projektan täht.
―Tradicijan mödhe Karjalan radio tegeb projektan ühtes radion kundlijoidenke. Täl kerdal mö pakičem lapsid oigeta meile heiden armhad runod, a mö panem niid Karjalan radion efiraha. Ned kuluba Uden voden programmoiš da sid’ tal’vpästusiden päivil. Ühtnikad voiba kirjutada ičeze änen da oigeta meile VKontakte- socialižes verkos. Radion radnikad mugažo voiba abutada kirjutada runod studijas, sanib Marjana Aleksandrova, Karjalan radion venälaižen redakcijan pämez’.
Sada ližatedod voib Karjalan radion VKontakte- gruppas.
