Vuotena 2027 Kurkijoven pos’olkašta tulou Karjalaisien rissinnän 800-vuotisjuhlan viettämisen keškipisteh. Valmissukšen rajoissa šiinä toteutetah sosialis-kulttuurisie ta infrasktruktuurie koškijie projektija. Šiitä ilmottau Karjalan tašavallan piämiehen lehistöpalvelu.
Pos’olkašša valmistauvutah entistämäh Jumalanemon šyntymisen kirikkö, kumpasen alušta on šäilyn pos’olkašša.
— Aikoinah še seiso Kirikkömäjen kukkulalla, kellot šoitettih Kirjažin mualla. Pitkien vuosišatpjen aikana Kurkijoven pos’olkan nimi oli juuri Kirjaž. Šiinä vuotena 1227 meijän kantatuatot kiännyttih oikiehužkoh Luatokan vesissä. Nyt meijän tehtävänä on myöššyttyä kirikön istorijalliseh paikkah, šano Artur Parfenčikov omalla lehistöpalvelulla.
Vuotena 2025 korjattih Kurkijoven kotišeutukeškuš. Šamana vuotena Pereh-kanšallisprojektin rajoissa alettih korjatä musejon lähellä šijottujua puurakennušta, mi antau leventyä näyttelytilua.
Lisäkši Kala-Ranta -yhtijöryhmän tuvella rakennetah lisärankatu ta korjatah huonehut urheilušalie varoin.
Aihiešta voit lukie niise šuomekši.
Yhty Oman Median MAX-kanalah!