Kunnivomerkkijä myönnettih kanšallisen politiikan alan spesialistiloilla
30.11.2020
Kunnivomerkkijä panokšešta Karjalan kehitykšeh šai tänäpiänä kuuši ihmistä. Hyö monta vuotta ruattih Karjalan tašavallan kanšallisen ta alovehellisen politiikan ministerijöššä.
Kunnivomerkkijä myönnetäh kaikilla, ken luati šuuren panokšen tašavallan kehitykšeh.
Kunnivomerkkijä merkittäväštä panokšešta Karjalan kanšallisen politiikan kehitykšeh šuatih Jelena Antoško, Viktor Birin, Valentina Karakina, Viktor Krasnožon, Svetlana Pas’ukova ta Irina Semakova.
– Kaikin hyö ruattih Kanšallisen ta alovehellisen politiikan ministerijöššä eri vuosina ta eläkkehellä lähön jälkeh jatetah ruatuo kanšallisen politiikan kehitykšen hyväkši. Niise kaikin hyö ollah Ministerijön kunnivoruatajie, šano Karjalan tašavallan kanšallisen ta alovehellisen politiikan ministerijön yleisošašton piäspesialisti Viktorija Novožilova.
Kunnivomerkit ollah Karjalan piämiehen hyväkšymie Karjalan 100-vuotisjuhlan rajoissa. Še on uuši kunnivomerkki, šitä ruvettih myöntämäh 2019 vuuvvešta alkuan.
Lisää aiheesta
