Kulkuset- sebr varastab uzid ühtnikoid
28.09.2021
Zavodihe uz’ otand “Kulkuset”- kargsebraha. Jo nügüd’ tahtnikad voiba tulda da valita ičeze sijan.
Lapsed ”Kulkuset”-sebraspäi ühtneba erazvuiččihe koncertoihe da konkursoihe. Kuva: Uljana Tikkanen
“Kulkuset”- kargsebr kucub neičukaižid da prihaižid kargaidamha ühtes udes openduzvodes. Lapsid jagetas gruppoihe: 6-7- voččed, 8-9- voččed da 9-12- voččed lapsed.
― Lapsed, miččed kävuba ansabl’aha, opendaba horeografijad, rahvahan pajatandad, karjalan kel’t, saba akt’oran mahtoid da ozutaba ičtaze laval erazvuiččil festivalil da praznikoil, sanub ansambl’an ohjandai Natalja Kaširina.
Sügüz’kus ansambl’as avaidase uz’ Än’-vändimen openduzpol’, kus lapsed voiba opetas vändmaha kantelel, soitoižel, luzikoil da toižil rahvahaližil vändimil. Kaik ansambl’an ühtnikad tedištaba enamba Karjalan rahvahiden tradicijoiden polhe, niiden tradicionaližiš sädoiš, karguiš da pajoiš.
Lisää aiheesta
