“Kuki-rikku” putui vägestajiden lugetišehe Ühthižvenälaižel festivalil
Täl vodel “Evrazian än” -konkursas oli seičeme nominacijad tele- da radio-ozutelusiden täht. “Periodika” -paindišt oigenzi festivalile “Kuki-rikku” -lapsiden videožurnalan videnden da kudenden vipuskad. Projektan tegijad ühtniba “Parahim programm lapsiden da norišton täht” -nominacijaha da necen voden specialižehe nominacijaha, mitte om omištadud perehen tradicionaližiden kal’huziden kaičendale.
Festivalin loppäiväd mäniba Dagestanas. Sinna ajoi “Kuki-rikku” -projektan kuvadai Igor’ Arehovskii.
— Meid hüvin adivoičetadihe. Vastsimoiš kuvadajidenke, žurnalištoidenke toižiš regionoišpäi. Meiden täht vaumištadihe čoma kul’turprogramm, lopihe festival’ pauklahjoičendal, sanub Igor’ Arehovskii.
“Kuki-rikku” putui koumen vägestajan lugetišehe “Parahim programm lapsiden da norišton täht” -nominacijas i tegihe festivalin laureataks.
Uzišt neciš temas voib lugeda mugažo venäks da suomeks.
