”Vepsän rahvahan tütär”-projektaha mülüb äi erazvuiččid Sovetskijan Sojuzan gerojale omištadud azjtegoid. Niiden lugus ”Gerojiden sured tegos sugupol’viden muštos”-sädaikonkurs.
— Nece om Kaikenvenäman konkurs. Mö tedam, miše Piterin da Vologdan agjoiš eläjile ristituile om miš starinoita necile temale. Sikš toivom, miše hö-ki ühtneba neche konkursaha, sanub projketan ohjandai Anna Anhimova.
Konkursas om koume nominacijad – ”Om sinun nimes…”, ”Gerojan sur’ tego”, ”Sugupol’vespäi toižehe”. Ezmäižele nominacijale ottas runoid, toižile nominacijoile voib oigeta sädandradoid miččes taht formatas. Kaik konkursan vägestajad saba pauklahjoid.
Enamba tedištada konkursan sändoiš da löuta kaik tarbhaižid tedoid konkursas voib Suomalaiž-ugrilaižen ligan VKontakte-lehtpolel.