Školankeskeine ”Todesižed vepsläižed”-konferencii mäneškab sulakun 22. päiväl Šoutjärven školas. Konferencijaha voiba ühteta Karjalan, Piterin da Vologdan agjoiden školiden openikad vai kollektivad. Ühtnikoile pidab kirjutada tedotöd erazvuččile temoile.
– Mugoižed konferencijad oma tarbhaižed. Ned abutaba süvemba oppida ičeze kodiman istorijad, tundištadas ezitatoiden tradicijoidenke, andaba lapsile voimusen paremboitta vepsän paginad, ved’ äjad openikad vaumičeba radoid kodikelel, sanub Šoutjärven školan pämez’ Natalja Bikova.
Konferencijan aigan tehtas völ pirdatusiden konkursan erazvuiččiš igäkategorijoiš. Se om omištadud kodimale, kuvan voib tehta erazvuiččiš tehnikas.
Kaik radod da pakičuz pidab oigeta sulakun 12. päivähasai počtale. Tarkašti konferencijas da konkursas voib lugeda täs.
Konferencii pidetas jo toižen kerdan. Necil vodel se om omištadud Vepsän kul’turan vodele. Se mäneškab online- i offline-formatoiš.