Komin valdkund kucub ühtnemaha fil’moiden festivalihe
30.04.2021
Suomalaiž-ugrilaižiden rahvahiden fil’moiden festival’ planuitas Komin valdkundas. Rahvazkeskeižehe ”Tuivež”-festivalihe voiba oigeta ičeze fil’mad da fotokuvad.
Nägendtaidehen festivalin pakičuzaig zavodihe. 6+ Kuva: Fil’moiden festivalin Vkontakte-lehtpolelpäi.
Sulakus jo avaižihe pakičuzaig VII rahvazkeskeižehe ”Tuivež”-festivalihe, mitte mäneb Siktivkaras 14.-17. sügüz’kud. Konkursaha voiba ühteta professionaližed da navedijoiden fil’mad, miččiden piduz’ ei ole enamb, mi 30 minutad. Mugažo festivalihe voib oigeta fotokuvid.
—Komin valdkundan Kul’turan, turizman i arhivan azjan ministerstv da ”Filmvideoprokat”-sebr kucuba kaikid tahtnikoid ühtnemaha ”Tuivež”-festivalihe. Ühtnikad voiba olda Venäman agjoišpäi da toižiš maišpäi, sanuba festivalin tegijad.
Ičeze töd pidab oigeta verkpočtale 31. päivähasai kezakud. Nominacijad da konkursan sändod voib kacta täs.
Lisää aiheesta
