”Kodima”-lugendlehtez jo 30 vot tugedab da kehitoitab vepsän kirjkel’t, starinoičeb lugijoile vepsläižiden kul’turelos, ühtenzoitab kaikiden regionoiden vepsläižid. Siš aigas lugendlehtez päzui äjiš kehitoituzetapoišpäi.
— Vepsläižiden päerigoičuzpird om heiden kel’. Vepsän kul’tursebran rad, vepsläižed praznikad da ”Kodima”-lugendlehtesen toimituzrad abutiba tehta muga, miše vepsän kel’ eläb, sil kirjutadas kirjoid, kätas surid tekstoid, vepsläižiden lugumär ei laske heredas, sanub ”Kodima”-lugendlehtesen ezmäine pätoimitai Nina Grigorjevna Zaiceva.
Jubileivodeks ”Kodima”-lugendlehtesen toimitajad taričeba lugijoile ühteta kirjutesiden konkursaha. Jogahine tahtnik voib kirjutada kirjutesen, runon vai sarnan, mitte om omištadud ”Kodima”-lehtesele da sen praznikale. Ičeze radoid voib oigeta ”Kodima”-lehtesen počtale.
Johtutam, miše jubileivodeks ”Kel’ — minun Kodima” -projektan aigan ”Kodima”-lehtesen redakcii tegeb regionoidenkeskeižen fotokonkursan ”Kodikülä – kal’hed ristitud”, min polhe voib lugeda tägä.