“Kodima” -lehtesen radnikad vasttasoiš ičeze lugijoidenke Šoutjärves
08.02.2024
Vastuz mäneb 16. uhokud Šoutjärven vepsläižes etnografižes muzejas.
Vastuz lugijoidenke mäneb 16. uhokud Šoutjärven vepsläižes etnografižes muzejas. Kuva om lehtesen arhivaspäi
Necen pätničan Šoutjärven eläjad keradasoiš vastusele “Kodima” -lehtesen radnikoidenke. Vastuz mäneb 13 časud päiväd Šoutjärven vepsläižes etnografižes muzejas.
— Völ muloi, lehtesen jubilevodel, tahtoim vastatas meiden lugijoidenke. Erazvuiččiden süiden taguiči radmatk ei ozastund. Meil om miš diskutiruida lugijoidenke, ristituil om kaičenus äi küzundoid lehtesen rados, sanub “Kodima”-lehtesen pätoimitai Galina Baburova.
“Kodima”-lehtez lähtleb eloho kerdan kus “Periodika”-paništos vodelpäi 1993. Sidä lugetas kaikiš vepsläižiden tradicionaližiš eländtahoiš.
Lisää aiheesta
