Kodikelen päiv: Karjalan eläjid kuctas kirjutamha sanelust vepsän kelel
“Vepsän kul’tursebr” kucub Karjalan eläjid kirjutamha sanelust vepsän kelel. Openduzakcii mäneb 21. uhokud Petroskoiš.
Sanelusen kirjutamižen sijaks linneb “Periodika” -painišton Karjalaižiden, vepsläižiden, suomalaižiden kel’keskuz.
— Täl vodel saneluz om omištadud Surel voinal vägestusen 80-voččele jubilejale, tedotab Karjalan rahvahaližen da regionaližen politikan ministerstvan press-služb.
Akcii zavodiše 17: 00 Petroskoiš, Titovan irdal, 3.
Uhokun 17.—28. päivil meiden mal mäneb ”Venäma om rahvahiden kodi”- VI Ühthižvenälaine etnosaneluz. Akcii om omištadud Rahvahidenkeskeižele kodikelen päiväle. Sen pätegendan om Venäman rahvahiden äikeližuden popul’arizoitand. Projektan tegeb Venäman rahvahiden kodi Venäman Pohjoižen, Sibirin da Edahaižen Päivnouzman igähižiden vähäluguižiden rahvahiden associacijan abul.
Uzištoid neciš temas voib lugeda mugažo karjalaks, suomeks da venäks.
