Kirjuta kirje Pakkasukole!

Kirjuta kirje Pakkasukole!

23.11.2023
Nuoret Karjalan tazavallan eläjät jo työttih enzimäzet kirjazet Ven’an Pakkasukole, kudual oli roindupäivy 18. kylmykuudu. Terväh moizii kirjazii rodieu vie enämbi sendäh, ku Uuzi Vuozi lähenöy.
Pakkaine Vahnat kuuzen bobazet -ozuttelus. Kuva: pakkaine.ru
Pakkaine Vahnat kuuzen bobazet -ozuttelus. Kuva: pakkaine.ru

Pakkasukko on piälimäine Ven’an uvven vuvven tiedoiniekku. Häi eläy Velikii Ust’ug -linnas. Sie hänel on suuri muatila, kuduas on Pakkasukon kodi (sie on 12 pertii), suarnoin troppaine, sepän ruadoperti, poštu, talvisadu, zoosadu, nuoruparku, lambi, ilolaittehii, lapsien kižuandukohtu, kafe, hoteli da kai aptiekku.

Kirjuttua Pakkasukole voibi adresile 162390 Ven’a, Voulogdan aloveh, Velikii Ust’ug -linnu, Pakkasukon kodi.

Karjalas on oma Pakkasukko — Pakkaine. Häi eläy Anuksenlinnas. Pakkazeh nähte on oma legendu:

“Kerran, juuri talven allus, myöndyobozu oli kodimatkal ajajes Anuksenlinnah. Oli kova pakkaine, a yhtel kupčan akkal tuli aigu lastu suaja. Rodiihes terveh da vägevy brihačču, kudai vaikkani ajoi kodih da rubei itkemäh vaiku kodih tulduu. Vahnembat pandih hänele nimi Pakkaine. Häi rodivui kupčakse, oli ravei da vessel pruazniekois. Joga linnas, kuduas häi oli, häi kačoi zirkaloh da konzu häi lähti ielleh ajamah, hänen kuva tuli zirkalospäi da rubei elämäh täs linnas. Talven allus, 1. talvikuudu, konzu Pakkazel on roindupäivy, kai hänen kuvat lähtietäh Anuksenlinnah. Sie Pakkaine luadi kilboi, ku tovestella omua edusijua.”

Nygöi, omal roindupäiväl, 1. talvikuudu, Pakkazele gostih tullah suarnallizet tiedoiniekat — Pakkasukot kogo Ven’alpäi Anuksen linnan Pakkasukkoloin kižat -festivualih.

Sinägi voit tulla Pakkazelluo gostih libo kirjuttua hänele kirjaine, hyvitellä roindupäivänke da työndiä se poštači adresile 186000 Ven’a, Karjalan tazavaldu, Anuksenlinnu, Voiton 30-vuozipäivän uuličču, taloi 8.

Paiči Pakkastu Karjalas vie on toine Pakkasukko — Talviukko. Talviukko eläy ei muga loiton Petroskoispäi — Čalnas. Hänel, kui Pakkasukolgi, on suuri muatila, kuduas on Talviukon kodi, Lumikin dvorču, čuajutaloi, lava, taloin huonukset, ajokoirien huonukset, pohjoispedruloin fermu, saamelazien kylä, kafe da restoruanu.

Kirjuttua kirjaine Talviukole da hyvitellä händy roindupäivänke (pidäy sanuo, ku hänen roindupäivy on 9. talvikuudu) voibi adresile 186130 Ven’a, Karjalan tazavaldu, Priäžän piiri, Čalnan kylä, Talviukon muatila.

Kirjuta kirjaine talven tiedoiniekale da vuota hänelpäi vastavustu.


Lisää aiheesta
Karjalan Sanomat
Paralympialaiset Pariisissa 2024: Petroskoilainen taekwondo-valmentaja toimii tuomarina
Vuonna 2022 Jelizaveta Tarasevitš valittiin parhaaksi Tokion paralympialaisten tuomariksi naisten keskuudessa taekwondokilpailuissa.
Karjalan Sanomat
Joiku-CAMP huipentui performanssiin
Maanantaina alkanut etnoleiri päättyy tänään. Eilen leiriläiset esittelivät yleisölle yhteisproduktionsa.
Kodima
Sanelusen karjalan da vepsän kelil kirjuti 70 Petroskoin eläjad
Tämbei Karjalan pälidnan eläjad ühtniba “Saneluz karjalan da vepsän kelil” -akcijaha. Akcii jatkub 26. päivähasai sulakud. Sanelused kirjutadas 65 sijas.
Karjalan Sanomat
Elämyksiä eri makuun – Kirjastojen yö -tempauksen aiheena on Perheen vuosi
Karjalassa kulttuuritapahtuma tarjoaa laajan ohjelman, jossa on tietokilpailuita, työpajoja ja muita tilaisuuksia.
Kipinä
Keskiajan karjala: tutustutaan Kipinän kanssa
Karjalan kielen viikolla Kipinä-lehti järjesti koululaisille työpajan, jossa lapset tutustuivat keskiaikana asuvien karjalaisten elämäntapoihin ja sovittivat muinaiskarjalaisten puvut.
Karjalan Sanomat
Yli 53 000 tasavallan asukasta äänesti kunnostushankkeita verkossa
Puudosin, Aunuksen ja Kemin piirien ja Kentjärven asukkaat äänestävät aktiivisimmin.
Kodima
Petroskoiš vaumištadas sanelusihe karjalan da vepsän kelil
Karjalan pälidnas sanelusiden kirjutamižen sijan linneb Petroskoin universitet. Akcijan ühtnikad keradasoiš 19. sulakud universitetan kirjištos.
Oma Mua
Kuorilahen-kylän tutkimuš toi voittuo Viktor Vikulinilla
Kiestinkin kylän eläjä Viktor Vikulin voitti Karjalan tašavallan kilpailušša “Kotišeutututkija-2024”. Tietotutkimuškilpailuh hiän lähetti oman šukututkimušruavon Kuorilahešta.
Karjalan Sanomat
Kirja kuvituksineen 2 – Näyttely sai jatkoa
Petroskoin kaupungin näyttelysalissa tänään avautunut näyttely tutustuttaa paikallisten lastenkirjojen kuvittajien töihin.
Karjalan Sanomat
Alkuperäiskansojen kieliä käyttöön – Ruviki-verkkosivustosta tietoja löytyy karjalan ja vepsän kielillä
Uudessa verkkotietosanakirjassa tiedot ovat saatavilla monilla Venäjän kansojen kielillä. Sivustolla on julkaistu yli 29 000 erilaista artikkelia.
Kirjaudu sisään
Rekisteröityä
Salasana
Vahvista salasana