Joka halukaš voipi valmistua omin käsin männyön ajan tyylisen puvun ta esittyä še Vanhan kaupunkin il’l’usijat -kilpailušša, kumpani pietäh kaupunkin päivänä 24. kešäkuuta.
— Tämä vuosi on ilmotettu opaštajan vuuvvekši Venäjällä, šentäh tänä vuotena pruasniekka on omissetu opaššušjärješšelmän istorijalla XIX‒XX vuosišualla. Opaššušalan muoti on kilpailun teemana ta erikoisnominatijona: ošallistuja voit esittyä gimnasijan opaštujan, opaštajan, kotiopaštajanaisen pukuja, šelitti kilpailun kurattori, Kiži-musejon spesialisti Marina Noženko.
Šen lisäksi kilpailušša on perintehelliset nominatijot: XX-vuosišuan alun kaupunkin ta kylän puku. Kilpailuh voipi ošallistuo naisien, miehien ta lapšien pukuja. Anomukšet otetah vaštah kešäkuun 19. päiväh šuaten. Puvut esitetäh Vanhan kaupunkin il’l’usijat -pruasniekašša Petroskoin istorijallisešša ošašša.
Kilpailun kaikista ehtoloista tiijuššat Kiži-musejon saitilla ta Vkontakte-ryhmäššä.
Aihiešta voit lukie niise šuomekši.