”Opendamoiš ühtes”-projektaha mülüb kaks’ palad. Üks’ om elektronižen kirjišton tegemine, sinna pandas tedomaterialad karjalan da vepsän keliden i kul’turan polhe. Toine pala om videourokad, miččil eri-igäižed Petroskoin eläjad opendaškandeba karjalan kelen livvin da pohjoižkarjalan paginoid da vepsän kel’t.
— Openikoiden gruppad om keratud. Kaikuččes guppas om 4-5 openikad. Nene ristitud radaba erazvuiččil radsijoil, ned kaik oma ani erilaižed. Openikad ei tekoi meiden rahvahaližid kelid, no prezentacii ozuti, miše heil om sur’ taht opeta niid, sanub projektan koordinator Maria Šašina.
Sjomkad mäneba pühäpäivän Karjalaižiden, vepsläižiden da suomalaižiden keskuses. Sid’ vaumhed videourokad – 10 kaikuččen kelen täht – pandas internetha. Projektan tegijad uskoba, miše kaikutte tahtnik sid’ kactes nenid videourokoid voiškandeb ühteta opendamižehe da mahtaškandeb tehta kebnoid sanundoid karjalan da vepsän kelel.