Karjalas vahvištadihe varukahiden kazvmusiden lugetiž

Verhiden varukahiden kazvmusiden lugetišhe mülüi tetab kaikile karjalaižile borščevik. Kuva: Margarita Pehkonen

Karjalas ozutihe oficialine verhiden varukahiden kazvmusiden lugetiž. Sihe mülüi kahesa kazvmusiden rodsugud, miččiden levitamine tariž pidätada, tedotadas “Respublika”-portalal. Käsk siš allekirjuti Karjalan Valdkundan Pämez’ Artur Parfenčikov.

— Lugetišhe putuiba Sosnovskin borščevik, kanadialaine zolotarnik, äilehtine l’upin, kanadialaine melkolepestnik, raudluine nedotroga, kärpištokaz roza, sur’ čistotel, kanadialaine elodeja, sanutas “Respublika”-portalal.

Aigemba Petroskoiš zavottihe rebitada borščevikad, homaičushe oli ottud kaik tahod, miččiš lidnan eläjad kirjutiba ičeze pakičusiš.

Uzišt neciš temas voib lugeda mugažo karjalaks.

Tarkištele "Oma Median" MAX-kanalad!