Karjalas tehtihe “Zemskii kul’turradnik” -programman konkursvaličusen ühthevedod
Karjalan Valdkundas om lopnus “Zemskii kul’turradnik” -programman konkursvaličuz, siš tedotadas Karjalan kul’turministerstvan press-službas.
“Zemskii kul’turradnik” -programm tugedab kul’turradnikoid, kudambad lähteba radmaha külihe da penihe lidnoihe — mugoižihe eländsijoihe, miččiden eläjiden lugumär ei ole enamb, mi 50 tuhad ristitud.
Täl vodel melentartuz’ neche programmaha om kaznu. Konkursaha ühtni kaks’ kerdad enamba ristituid, mi vodel 2025. Ühesale vägestajale makstas 1 million rubl’ad radonlöudandan jäl’ghe.
— Om kaznu niiden specialistoiden lugumär, kudambad oma vaumhed rata Karjalan rajonoiden kul’turorganizacijoiš. Nece znamoičeb, miše küliden da peniden lidnoiden eläjad saba uzid voimusid ühtneda kul’tureloho, tedotadas ministerstvas.
“Zemskii kul’turradnik” -programm todenzoittas “Pereh” -valdkundaližen projektan aigan. Enamba sen polhe voib tedištada Karjalan kul’turministerstvan oficialižel lehtpolel.
Uzištoid neciš temas voib lugeda mugažo karjalaks da suomeks.
Tarkištele "Oma Median" MAX-kanalad!
